Os novos marcos dixitais de Samsung poden operar coma monitores secundarios

xoves, 23 de abril do 2009 Marcus Fernández

A pouco tempo da súa presentación en Corea, Samsung xa trae os seus novos marcos dixitais a España dentro da serie Ipanema, cos modelos SPF-107H (de 10 polgadas cunha resolución de 1024 x 600 píxeles) e SPF87H (de 8 polgadas cunha resolución de 800 x 480 píxeles), que contan cun deseño bastante elegante, un grosor de só 23 milímetros e un baixo consumo, sendo capaces de funcionar incluso coa alimentación dun porto USB, e contan cunha memoria interna de 1 Gb. Pero a súa característica máis rechamante é o feito de que, de conectalos directamente a un PC por USB, poden empregarse a xeito de pantalla secundaria, o que resulta útil para ter sempre accesibles algunhas aplicacións (coma reprodutores multimedia ou monitores de estado dalgunha aplicación crítica).
Os seus prezos son de 100 e 170 euros para os modelos de 8 e 10 polgadas respectivamente.

PUBLICIDADE