Os novos produtos de Samsung chegan ás tendas (e á Vila Olímpica)

O pasado día 10 Samsung presentou os seus novos smartphones encartables, novos modelos de auriculares sen fíos e novos wearables enfocados á saúde, e hoxe confirman a dispoñibilidade global destes produtos (coa excepción do seu anel, que polo momento comercialízase só nalgúns territorios). Falamos concretamente do Galaxy Z Fold6, Galaxy Z Flip6, Galaxy Watch Ultra, Galaxy Watch7 e Galaxy Buds3.
O momento está enmarcado no comezo dos Xogos Olímpicos de París, dos que Samsung é patrocinador oficial e, de feito, a compañía surcoreana está a entregar aos participantes nos Xogos preto de 17 mil unidades dunha Edición Olímpica do seu Galaxy Z Flip6, smartphone encartable equipado cunha tarxeta eSIM con 100 GB de datos 5G, unha tarxeta de acceso ilimitado para o transporte público e varias aplicacións olímpicas oficiais, facilitando así a vida dos atletas durante a súa estadía na capital francesa.