Os ordenadores de Apple xa poden actualizarse a macOS Monterey
luns, 25 de outubro do 2021
A última versión do sistema operativo dos equipos
informáticos de Apple, macOS
Monterey, chega oficialmente, de xeito que os usuarios de equipos compatibles
poden por fin descargar e instalar a actualización de balde a esta nova versión
de macOS, que chegará presinstalada nos novos
MacBook Pro.
Entre as novidades de macOS Monterey destaca SharePlay, función que permite seguir
falando por FaceTime mentres se ven series e pelÃculas, se escoita música ou se
amosa a pantalla, creando un novo xeito de compartir momentos con amigos e
familiares; o navegador web Safari conta cun novo deseño compacto que se adapta
á cor da páxina web que esteamos a visitar e facilita a agrupación de pestanas;
conta con Modos de Concentración, que filtra as notificacións que queremos
recibir nos momentos nos que precisamos tranquilidade para traballar; con
Control Universal pódese traballar simultaneamente con varios dispositivos de
Apple, por exemplo, un Mac e un iPad, podendo mover cursor entre as súas
pantallas e incluso arrastrar e solta contidos entre os dispositivos; chega a
ordenadores AirPlay (de xeito que a pantalla do Mac pode amosar contidos
compartidos dende o móbil, e incluso pode aproveitarse o Mac como altofalante
AirPlay); con Texto en Vivo pódese interactuar co texto das imaxes (por
exemplo, pódese copiar e pegar un número de teléfono dunha fotografÃa); e
moitas outras opcións que manteñen a tendencia actual por parte de Apple na súa
aproximación a nivel de software entre equipos informáticos e dispositivos
móbiles.