Os premios de AJE Galicia distinguiron as tecnolóxicas Kendra, Docuten e Aleutos
xoves, 5 de marzo do 2020
A
firma viguesa Kendra,
especializada en solucións de Realidade Virtual e Aumentada para
incrementar a competitidade e a transformación das empresas, foi
galardoada onte pola Federación Galega de Empresarios Novos AJE
Galicia, na gala dos premios AJE Galicia (novena edición) celebrada
no Teatro Rosalía de Castro. Na cerimonia tamén distinguida Coosy,
nova firma galega centrada na moda dende un enfoque innovador e
altamente creativo. No
certame presentaron candidaturas dúas ducias de empresas da nosa
terra lideradas por profesionais menores de 42 anos.
O
xurado resolveu entregar os galardóns a Diego Asorey Cacheda, de
Kendra, na categoría de Iniciativa Emprendedora, aberta a empresas
con menos de dous anos de actividade, e a Virginia Pozo Castro, de
Coosy , na modalidade de Iniciativa Empresarial.
Os
accésits foron para Koh Lanta, de Gonzalo Somoza Vicente, no
apartado de Responsabilidade Social Empresarial; a empresa
tecnolóxica Docuten, impulsada por Brais Méndez, na modalidade de
Internacionalización; a firma TIC Aleutos, de José Luis Gude e
centrada en consultoría GIS e software a medida, na categoría de
Innovación, e Grupo Atlante, de Maite Valiño, en Creación de
Emprego.
Na
gala participou, entre outras personalidades, o conselleiro de
Economía, Francisco Conde, quen sinalou que os finalistas e
gañadores neste certame contribúen a reforzar cos seus proxectos a
marca Galicia Calidade e lembrou que estas iniciativas “son
elixidas polo seu grao de innovación, por acadar unha maior
proxección nacional e internacional, por promover a creación de
postos de traballo, ou porque apostan polas boas prácticas
empresariais e que se trata, polo tanto, de proxectos cos que
sentirse orgullosos de Galicia”.