Os retos galegos do emprendemento centran unha xornada no Club Financeiro da Coruña
martes, 10 de decembro do 2019
O
emprendemento, a innovación e as claves para garantir as meirandes
posibilidades de éxito no mercado centran este xoves unha nova
xornada (Brunch
Emprendedor) da consultora tecnolóxica Ferreira
DapÃa Tech no Club Financeiro da Coruña. Na cita, na que tamén
se debaterá sobre os retos especÃficos das firmas galegas para
competir, participarán as empresas Luckia (centrada nas apostas
deportivas online), a cervexeira Hijos de Rivera ou a
tecnolóxica Improving Metrics, achegando as súas respectivas
experiencias e os seus puntos de vista sobre transformación,
información a gran escala, novas canles de comunicación e xeitos de
captar clientes e mantelos.
Esta
xornada será o broche final á edición de 2019 de Coffeemprende,
un proxecto desenvolvido pola empresa coruñesa de consultorÃa no
que o segundo xoves de cada mes, un empresario galego de éxito tivo
a ocasión de compartir almorzo e experiencias cun auditorio formado
por mocidade emprendedora. Por Coffeemprende pasaron José González
Fuentes (presidente de Luckia Gaming Group), Alejandra Mosteiro
(fundadora de Extend) ou Jesús Echarri (fundador e CEO de Improving
Metrics), entre outras/os.
Para
pechar o ano, Ferreira DapÃa quixo reunir a todos os relatores que
participaron nesta iniciativa, nun formato de mesa redonda e
coloquio, no que os empresarios convidados, pertencentes a sectores
moi diferentes, porán en común os seus puntos de vista e debaterán
o futuro do tecido empresarial galego. Durante o coloquio, os máis
de 60 asistentes esperados, exporán as súas dúbidas e inquietudes
aos relatores. A cita dará comezo ás 12.00 no Club Financeiro da
Coruña.