PES 2010 estrea demo para Xbox 360, PS3 e PC

Tras o lanzamento da versión de demostración de FIFA 10 a semana pasada, agora é a quenda do seu principal competidor, PES 2010, que vén de estrearse no Bazar de Xbox LIVE (Xbox 360), na PlayStation Store (PS3) e incluso en páxinas web coma 4Players e Extreme Players (na súa versión para PC). Con este adianto poderase botar unha ollada ao que será o xogo definitivo que o 23 de outubro chegará para as tres plataformas de xogo mencionadas (o 5 de novembro chegará á PSP e á PS2 e o 19 de novembro á Wii).
A versión de proba permitirá botar partidos de 5 minutos nos que poderemos encarnar aos clubs F.C. Barcelona e Liverpool, ou ás seleccións nacionais de España, Italia, Francia e Alemaña.