PS Plus en xuño non decepciona

No mes de xuño os subscritores de PlayStation Plus van poder facerse, sen custo adicional, cunha pequena selección de xogos bastante interesantes, comezando por Operation: Tango, título para PlayStation 5 que consisten en superar numerosas misións de espionaxe nun mundo futurista, para o que é posible formar equipo con outro xogador en liña co que hai que colaborar mediante a voz, xa que os retos que se presentan son asimétricos.
Máis rechamante é que a partir do 1 de xuño poida conseguirse Virtua Fighter 5: Ultimate Showdown para PlayStation 4, de xeito que os amantes deste xogo de loita poderán gozar da súa remasterización que mellora o seu apartado visual e a súa interface.
Aínda máis atractiva é a incorporación do xogo de combates espaciais Star Wars Squadrons, pois este reputado xogo pode xogarse en PlayStation 4, pero tamén é compatible con PlayStation VR, ou sexa, que tira proveito do casco de realidade virtual de Sony para poder gozar deste título dun xeito máis inmersivo.