Padrón achega a terceira edición do seu curso gratuíto de formación dixital

O Concello de Padrón, a través da Aula CeMIT local, vai organizar nas diferentes parroquias do termo municipal un curso de formación dixital gratuíta que chega á súa terceira edición e que comeza o vindeiro mes de marzo, o día 17, en horario de 19.00 a 21.00 horas, poñendo o foco no manexo dos dispositivos dixitais.
Esta formación, completamente de balde, permitirá coñecer máis sobre os problemas de conectividade, compartir e descargar arquivos así como elixir os mellores asistentes virtuais e as súas utilidades. As persoas interesadas poden inscribirse presencialmente na Aula CeMIT do Campo do Souto a través da conta correo@padron.gal ou o teléfono 675 748 812 (horario de mañá). O prazo de inscrición remata o venres 28 de febreiro. A actividade levarase a cabo cun mínimo de 12 persoas inscritas.
Para os maiores
Ademais, do devandito, as persoas maiores de Padrón terán ao seu dispor un curso gratuíto en Carcacía: unha actividade encadrada no programa Mellor Acompañad@s da Fundación Amigos de Galicia e que se vai impartir no Centro Sociocultural de Carcacía os días 14, 21 e 28 de marzo, e o 4 de abril. Aprenderase ás persoas participantes a manexar as novas ferramentas gañar autonomía e apoderamento no seu día a día grazas ao seu adestramento dixital.