Payday 3 encabeza os xogos de PlayStation Plus o mes de febreiro

O servizo de subscrición PlayStation Plus parece ter soltado o pé do acelerador e no mes de febreiro incorporará xogos bastante modestos, aínda que si miraron que fosen de xéneros o suficientemente distintos como para poder satisfacer a un público diverso.
Os xogos que chegarán o vindeiro 4 de febreiro están encabezados polo xogo de acción en primeira persoa para PlayStation 5 Payday 3, no que haberá que planear e executar un atraco entre até 4 xogadores en liña.
Outro dos xogos de febreiro será High on Life para PlayStation 4 e PlayStation 5, que nos meterá na pel dun cazarrecompensas intergaláctico.
Completará a oferta mensual Pac-Man World Re-Pac para PlayStation 4 e PlayStation 5, un remake de 2004 do xogo de plataformas orixinal de PlayStation, inspirado no célebre Comecocos, que conta con melloras gráficas, de interface e de mecánicas.