Pequeno ordenador con forma de cubo

xoves, 28 de agosto do 2008 Marcus Fernández

O Space Cube xunto a unha mazá para deixar constancia gráfica do seu reducido tamaño

Algúns equipos informáticos parecen creados máis para ser rechamantes que para atender á demanda do mercado, e tal parece ser a intención do Space Cube, un ordenador cun procesador a 300 MHz, 64 Mb de RAM, 1 Gb de memoria CompactFlash, conectores de audio, Ethernet, VGA e USB cunha forma exterior que podería lembrar a unha nave Borg da serie de televisión Star Trek, posto que é case cúbica, medido 52 x 52 x 45 milímetros.
Este minúsculo equipo está preparado para funcionar con Linux, e non ten moita potencia, pero tamén ten un consumo moi reducido (5 vatios), aínda que o seu prezo é totalmente desproporcionado (pois podería custar uns 1.860 euros).
Non parece que vaia a ser un éxito comercial, pero servirá de exemplo de integración para desenvolvementos futuros.

PUBLICIDADE