Plants vs Zombies chegará á Xbox 360 antes de rematar o ano

Ata o momento a versión de Plants vs Zombies con maior resolución gráfica é a do iPad

Tras nacer coma xogo para PC, Plants vs Zombies converteuse en todo un fenómeno de éxito en múltiples plataformas coma o iPhone e o iPad (nunha versión HD considerada como a mellor entrega deste título) e por iso dende PopCap Games queren continuar a trasladar o xogo no que temos que defender o noso fogar ante un ataque de zombies colocando plantas defensivas a novos ámbitos, polo que finalmente chegarás ás consolas de videoxogos, concretamente á Xbox 360, nun xogo descargable que poderá adquirirse por 1.200 puntos (14,4 euros), aínda que tamén será posible mercalo en soporte físico xunto cos xogos Zuma e Peggle por un prezo de 19,99 dólares.
A versión para Xbox 360 de Plants vs Zombies será a máis completa ata o momento, con 7 modos de xogo (entre os que se inclúe 2 modos multi-xogador totalmente novos), 12 logros únicos e 21 minixogos. Os gráficos deste título estarán a unha resolución de 1.920 x 1.080 píxeles, o que suporá unha importante mellora sobre a versión de iPad (que situaba o teito en 1.024 x 768 píxeles).