PlayStation trae a súa tenda directa a España

A tenda directa de PlayStation abriu hoxe en Italia

Durante os últimos anos os problemas de abastecemento de consolas PlayStation 5 provocou que algúns establecementos abusasen vendendo as máquinas a prezos moi superiores aos recomendados, ao que Sony respondeu nalgúns mercados abrindo un sistema de venda directa, que leva meses espallándose territorialmente, e que agora está a avanzar a bo ritmo por Europa, de xeito que hoxe mesmo a tenda de PlayStation abre en Austria e Italia, chegando o xoves a España e Portugal.
Este espazo na páxina web de PlayStation ofrece aos compradores un xeito cómodo de adquirir produtos físicos directamente á propia marca, incluíndo consolas PlayStation 5, cascos PlayStation VR2, mandos sen fíos e cubertas para consolas PS5. Co lanzamento tamén será posible adquirir unha selección de xogos de PS5, como God of War Ragnarök, The Last of Us Parte I, Horizon Forbidden West, Gran Turismo 7, Uncharted: Colección Legado de los Ladrones, Ratchet & Clank: Rift Apart, Marvel’s Spider-Man: Miles Morales, Returnal, Sackboy: Una aventura a lo grande, Demon’s Souls, Death Stranding Director’s Cut, Ghost of Tsushima Director’s Cut e The Nioh Collection.
As compras superiores a 39 euros terán envío estándar de balde e devolucións de balde en 30 días.