Poco lanza un teléfono inspirado en Deadpool y Lobezno

En maio chegou ao mercado español o smartphone Poco F6, un teléfono cunhas especificacións bastante elevadas que partía dun prezo de 389,99 euros para a súa configuración máis básica, converténdose nun dispositivo moi equilibrado. Pero agora van ser moitos os que queiran facerse coa súa nova edición especial limitada inspirada no filme Deadpool y Lobezno, que na India ten un prezo de partida de 29.999 rupias (327 euros), aínda que o seu prezo ordinario sexa de 33.999 rupias (371 euros), o que podería incitar a algúns consumidores a facerse con esta unidade de importación.
Lembremos que o Poco F6 funciona cun procesador Qualcomm Snapdragon 8s Gen 3, 12 GB de RAM LPDDR5X, 256 GB de almacenamento UFS 4.0, pantalla AMOLED de 6,67 polgadas cunha velocidade de refresco de 120 Hz e unha resolución de 2.712 x 1.220 píxeles, sistema de refrixeración LiquidCool 4.0 con IceLoop, cámara traseira dual cun sensor principal de 50 Mpíxeles e estabilización óptica, cámara frontal de 20 Mpíxeles, batería de 5.000 mAh con carga rápida de 90 watts e protección IP64. Temos así un teléfono de grandes prestacións cun prezo axustado, que grazas ao pulo dunha franquía de éxito pode incrementar as súas vendas nos mercados nos que estea dispoñible esta curiosa variante.