Poderemos xogar a GTA V dende o móbil grazas a Xbox

En maio de 2020 o xogo Grand Theft Auto V deixou o Xbox Game Pass para deixar sitio para Red Dead Redemption 2, de xeito que os subscritores deste plan de Xbox mudaban un grande título de Rockstar Games por outro, polo que resulta curioso que entre os xogos que entran no Game Pass o vindeiro 8 de abril figure Grand Theft Auto V, xa que non é frecuente que un xogo repita, pero desta volta o retorno é diferente, xa que os usuarios de Xbox Game Pass Ultimate agora poden gozar do xogo en streaming, ou sexa, que agora será posible gozar do GTA V dende móbiles Android, o que para moitos será unha nova espectacular.
Outros xogos que recibirán os subscritores do Game Pass serán Zombie Army 4: Dead War, Disneyland Adventures, Rush: A Disney/Pixar Adventure, NHL 21, Rain on Your Parade, Pathway e MLB The Show 21. Cómpre lembrar que, aparte dos xogos habituais do Game Pass, os subscritores Ultimate tamén poden gozar de EA Play sen custo adicional, o que supón un importante incremento do catálogo de xogos dispoñible, existindo rumores de que nos vindeiros meses non sería o único servizo en sumarse ao Xbox Game Pass Ultimate, xa que Ubisoft+ podería seguir os mesmos pasos.