Por fin pode empregarse o iPhone e o iPad para xogar a distancia á PS4
xoves, 7 de marzo do 2019
Unha funcionalidade pouco coñecida da PlayStation 4 é o
poder xogar a distancia, o que inicialmente limitábase a dispositivos como a PS
Vita e PlayStation TV, pero que ante á decadencia destes trebellos levouse
a ordenadores persoais e dispositivos
móbiles con Android, e finalmente chega a iOS, de xeito que os posuidores
dun iPhone ou un iPad poderán xogar remotamente coa súa PS4 a través da rede
Wi-Fi grazas á aplicación
oficial que por fin está dispoñible na App Store.
A nova aplicación permite ver a pantalla da PS4 no dispositivo móbiles con iOS
12.1 ou posterior, empregar os mandos virtuais en pantalla como sistema de
control, gozar do chat de voz aproveitando o micrófono do dispositivo móbil e
introducir texto na consola empregando o teclado do dispositivo móbil.
Cómpre salientar que para que a experiencia sexa boa é preciso contar cunha
rede Wi-Fi que funcione a unha boa velocidade e non todos os xogos son compatibles
con esta aplicación.