Presentan a campaña Me gusta Internet, seguro que sí
xoves, 13 de decembro do 2007
- Miguel A. Villanueva, delegado da Área de Economía e Emprego do Concello de Madrid, amosando a camisola da campaña
A Asociación de Usuarios de Internet e o Instituto
Nacional de Tecnoloxías da Comunicacións lanzaron a campaña Me
gusta Internet, seguro que sí, para fomentar a confianza e o uso da
Rede entre os usuarios.
A campaña contará coa colaboración de varias comunidades autónomas
(entre as que se atopa Galicia), concellos e empresas,
terá unha duración de 2 meses e empregará as redes sociais de colexios,
universidades, aulas de tecnoloxía e telecentros, para facer chegar a tódolos
cidadáns as experiencias e beneficios do uso da Internet para que cidadáns se
beneficien das posibilidades que ofrece a Rede.
Para dinamizar a campaña os cidadáns poderán
participar creando os seus propios vídeos narrando as súas experiencias coa
Internet, así como as vantaxes do medio (polo que recibirán unha camisola e
participarán nun concurso). Tamén se desenvolveron guías electrónicas
explicativas do bo uso da Rede e xogos que
pretenden amenizar a experiencia divulgativa.
A
presentación desta nova iniciativa correou ó cargo de Miguel Pérez Subías,
presidente da Asociación de Usuarios de Internet, e Miguel A. Villanueva,
delegado da Área de Economía e Emprego do Concello de Madrid, xunto a representantes
das comunidades autónomas e empresas (El Corte Inglés, Telefónica, Axencia
Tributaria, Click Seguros, Panda Security e Vocento) que colaborarán na campaña
de ámbito estatal.