Presentan en Compostela os Hubs de Innovación Dixital
venres, 2 de marzo do 2018
Durante a xornada Hubs
de Innovación Dixital. Novos marcos de colaboración, celebrada na Cidade da
Cultura, o conselleiro de EconomÃa, Emprego e Industria, Francisco Conde, salientou
que o Hubs de Innovación Dixital serán o mellor instrumento para desenvolver o
ecosistema innovador galego ao marcar o camiño a seguir para facer fronte
aos retos do futuro, como a dificultade das PEME para innovar en solitario ou a
necesidade de incorporar tecnoloxÃas facilitadoras en todo o sector produtivo.
AsÃ, desenvolverase un sistema de colaboración aberto
público-privado que será capaz de cohesionar o sistema galego para salvar a
distancia entre o coñecemento e o mercado e conseguir ser sustentable. Os
obxectivos que se perseguen son adaptar as caracterÃsticas do tecido galego a
unha especialización nos sectores estratéxicos, potenciar a incorporación de
tecnoloxÃas facilitadoras e impulsar o potencial innovador das PEME.
Conde falou de «cambio cualitativo no modelo de innovación
que queremos para a Galicia de 2030» e presentou os Hubs como punto de encontro
entre a empresa, a investigación e o financiamento e avanzou que se
configurarán como xanelas únicas de servizos das que se beneficiarán todos os
axentes implicados xa que, entre outros, poderán acceder a facilidades para
incorporar tecnoloxÃa, apoio na planificación e acceso a investimentos, servizo
de mentoring especializado, axuda
para o emprendemento ou formación. Ademais, os centros de coñecemento
participantes ofrecerán as súas infraestruturas e capacidades para o lanzamento
de proxectos piloto ou demostración de novas tecnoloxÃas.
Para a súa posta en marcha (que o Goberno galego espera que se produza en 2019,
tras estudar as primeiras propostas nos vindeiros meses) Conde avogou por
centrarse naqueles sectores galegos con máis potencial, pois o obxectivo final
é contar cun modelo realista, viable e sustentable no futuro.
O conselleiro pediu, ademais, a implicación de todo o sistema: desde os
emprendedores ás administracións, pasando polos investidores, as PEME, as
empresas tractoras e os centros de coñecemento e tecnolóxicos para que o éxito
da innovación en Galicia chegue sobre a base da unión.