Presentan en Vigo o novo modelo de sala de vistas dixital que está a implantarse no ámbito xudicial galego
luns, 23 de xullo do 2018
O vicepresidente da Xunta, Alfonso Rueda, e a directora da AMTEGA,
Mar Pereira, visitaron esta mañá o Xulgado de Familia 1ª Instancia de Vigo, un
dos dez órganos que neste momento dispón de sala de vistas dixital, que permite
a celebración de vistas sen papeis. Este tipo de salas están equipadas con
elementos tecnolóxicos de última xeración e deseñadas para dar reposta ás
necesidades actuais e futuras que poden darse no transcurso das mesmas.
Rueda avanzou que se está a traballar para implantar este modelo noutras 30
salas de vistas a partir de 2019. Tamén asistiron o delegado territorial da
Xunta en Vigo, Ignacio López-Chaves; o xuÃz decano de Vigo, Germán Serrano; o
xuÃz titular do Xulgado de Familia, Daniel Tomás e o secretario coordinador da
provincia de Pontevedra, José Tronchoni.
Equipamento tecnolóxico de última xeración
As salas de vistas dixitais están dotadas cun software de
uso sinxelo e intuitivo desde o que o auxilio xudicial manexa un equipamento
tecnolóxico de última xeración: micrófonos dixitais con calidade de audio
profesional; cámaras de vÃdeo de alta definición no estrado e no fondo da sala
con zoom robotizado; videoconferencia integrada; e pantalla para visualizar a
sala desde as diferentes perspectivas e tomas de datos para a conexión de
equipos.
Ademais da mellor calidade de son e imaxe coa que se
rexistran as vistas, esta solución integrada ofrece unha imporante serie de
vantaxes para o desenvolvemento dos xuÃzos. XuÃces e fiscais poden acceder
desde os seus equipos ao Visor do Expediente Xudicial Electrónico sen
necesidade de empregar documentos en papel. Ademais, facilita a visualización e
gravación de probas fÃsicas desde distintos puntos da sala e posibilita a
participación de persoas desde fóra da sala con garantÃas para testemuñas
protexidas e menores.
Plan Senda
A dixitalización das salas de vistas é un paso máis na
modernización da Xustiza en Galicia cuxa folla de ruta é o Plan Senda 2020, cun
orzamento de 26 millóns de euros. Esta estratexia está a consolidar o traballo
previo realizado no Plan Senda 2014 e que sentou as bases do Expediente
Xudicial Electrónico en Galicia, onde están en marcha todas as pezas que
permitirán unha xustiza integramente dixital.
Unha das pezas angulares desa xustiza sen papeis é repositorio
unificado xudicial que centraliza, nun punto único, toda a información
xudicial, datos e documentos, xerada diariamente na tramitación procesual de
calquera procedemento en calquera órgano xudicial Este repositorio permite a
consulta de case nove millóns procedementos e 16 millóns de documentos online
Nos últimos anos puxéronse a disposición dos profesionais da
xustiza diferentes solucións para facilitar a dixitalización das súas funcións
e cuxo uso estase a intensificar. AsÃ, no primeiro semestre do ano asináronse
dixitalmente máis de 283.000 documentos, catro veces máis que os asinados
durante o mesmo perÃodo do ano pasado. As consultas ao Visor do Expediente
Electrónico Xudicial entre xaneiro e xuño ascenderon a preto de 22.000, o dobre
que no mesmo perÃodo do ano pasado.
En canto ao equipamento que facilita á implantación das
salas de vistas dixitais, cómpre lembrar que preto do 90% das salas de vistas
de Galicia dispoñen de sistema de gravación de vistas con sinatura dixital
eFidelius e todos os órganos xudiciais contan con sistema de videoconferencia.