Proban en Madrid a alta definición a través de TDT

O pasado venres tivo lugar en Madrid a primeira proba interactiva a nivel europeo de televisión dixital terrestre en alta definición auspiciada pola Universidade Politécnica de Madrid dentro do proxecto Campus HD.
A experiencia tivo lugar na Escola Técnica Superior de Enxeñeiros de Telecomunicación e emitiu un sinal de probas pola canle 56 de UHF, para o que contaron coa colaboración de Telefónica Servicios Audiovisuales, RTVE, Sogecable, Astra, Hispasat, Televés, HyC e Fresh IT (que forman parte do consorcio dun proxecto PROFIT).
O proxecto Campus HD emitirá televisión en alta definición para validar os estándares desta tecnoloxía e fomentar as condicións de emisión necesarias, aínda que tampouco descartas a inclusión de aplicacións interactivas co sinal dixital.