R é o provedor de Internet que máis velocidade garante en Galicia
martes, 12 de agosto do 2008
O Ministerio de Industria,
Turismo e Comercio, vén de publicar
os últimos datos sobre a calidade dos provedores de Internet relativos ao
primeiro trimestre de 2008 e estes revelan que a meirande parte das conexións
ofertadas na nosa Comunidade “non superan
o 85 por cento da velocidade prometida”.
Máis, segundo se recolle do I Estudo de velocidade sobre
banda larga no 2008 elaborado por adslzone.net,
o operador galego de comunicacións
por fibra óptica, R, “é o provedor que máis
velocidade garante en Galicia” xa que ofrece como mínimo de media o 87,5
por cento da conexión no seu produto de 9 megas, porcentaxe que sobe ata o 90,2
por cento no caso das conexións de 6 megas e ata o 92,6 por cento nas de 1
mega.
Pola contra, as liñas de ADSL que máis velocidade
prometen aos usuarios (as de 20 megas) “non
chegan a ofrecer realmente nin a metade da conexión e o provedor que máis
velocidade ofrece acada tan só o 46,6 por cento do produto ofertado”.
Así o indica este I Estudo de velocidade sobre banda
larga no 2008, que tamén asegura que “o
cable ofrece máis velocidade que o ADSL” e que “R obtén en Galicia resultados moi satisfactorios, entregando o 89 por
cento da velocidade que promete na modalidade de 1 megabit”.
Por outra banda, R foi, asemade, o provedor de Internet
mellor valorado de España durante os últimos 5 anos pola OCU (Organización de
Consumidores e Usuarios) e acadou a mellor valoración nacional no seu acceso a
Internet na quinta enquisa de AIMC (Asociación para a Investigación de Medios
de Comunicación).
Cunha participación total do 2,4 por cento, os clientes
de R dan unha valoración do operador galego de 4,07 sobre 5.
A
importancia da rede
A diferencia dos provedores de ADSL, que ofrecen servizo
sobre as redes de par de cobre de Telefónica, R está
a despregar en Galicia unha nova rede de fibra
óptica tamén permite unha alta calidade nas conexións. Esta nova rede HFC (fibra óptica e coaxial) na que R
investiría 700 millóns a finais de 2008, ofrece cobertura a case 640.000
empresas e fogares galegos e permite que os usuarios dispoñan de máis
velocidade nas súas conexións a Internet. Así, mentres o 60% das conexións en
España durante o ano pasado era de 3-4 megas, o 61,6% dos clientes de R gozaba de entre 6 e 9 megas. (Fonte: CMT).
Datos sobre a comparativa
Na comparativa non se inclúen os operadores de cable Euskaltel,
Telecable e ONO, xa que non operan en Galicia. Tampouco se inclúe a Tele2 porque non se
publicaron datos relativos á calidade do seu servizo de Internet.
Os datos pódense contrastar nas webs de cada un dos
operadores: Telefónica,
R,
Jazztel,
Orange
e Ya.com.