R incrementa a capacidade da súa rede na Mariña luguesa
mércores, 31 de marzo do 2021
O operador R vén de
ampliar capacidade da súa rede en sete
concellos da Mariña luguesa (Barreiros, Burela, Cervo, Foz, Ribadeo, Viveiro e
Xove), o que lle permitirá ofrecer máis e mellores servizos a preto de 29.000
fogares destas localidades.
Para iso, o operador traballou
nos últimos meses na extensión e mellora da súa rede, instalando novos equipos
que lles dan servizo a estas áreas, para dotar á infraestrutura de R de maior
capacidade e fortaleza, e lle responder ao aumento de tráfico na Internet e
noutros servizos de telecomunicacións que se ten producido dende o inicio da
pandemia hai xa un ano. Con este reforzo substancial da rede, o operador galego
déixaa preparada de cara a novos aumentos do consumo de Internet, TV e
telefonÃa que poidan producirse de agora en adiante.
Todos estes traballos de mellora da rede de R na Mariña
para reforzala e aumentar a súa capacidade, forman parte do intenso traballo
global desenvolvido por R nos últimos anos para optimizar a cobertura dos seus
servizos no territorio galego, obxectivo que este último ano tivo unha
prioridade máxima ante as crecentes necesidades do uso de redes. Esta inxente
demanda levou o operador a realizar un investimento de case 4,6 millóns de
euros para ampliar e reforzar as capacidades da súa rede de fibra na comunidade
galega.
Ao tempo, estas actuacións compleméntanse cos
desenvolvementos de tecnoloxÃa FTTH en zonas
brancas de Galicia (as que non desfrutaron nunca de servizos de alta
velocidade), no marco dos plans Avanza do Ministerio de Asuntos Económicos e
Transformación Dixital dos que R resultou adxudicataria nos últimos anos. En
concreto, en 2020 conectáronse ás redes de nova xeración de R arredor de 30.000
vivendas na comunidade, o que supuxo xa un investimento de 9 millóns de euros
que previsiblemente se aproximará aos 10 millóns de euros a peche de 2021.