R mellorará a velocidade da súa banda larga fixa
martes, 18 de decembro do 2018
A partires do 21 de decembro o operador
R comezará o seu proceso de cambio de velocidade das súas conexións de banda
larga fixa a través de súa rede propia, operación que realizarase de xeito
gradual e por zonas, como vén sendo habitual, atendendo asà a cada vez maior demanda
de velocidade de acceso á Rede, tanto polo número de dispositivos conectados polo
volume de datos que ocupan os contidos (cada vez con maior calidade).
Os usuarios que actualmente gocen de conexións de 60 Mbps pasarán a ter
conexións de 100 Mbps; as conexións que experimentarán un incremento máis
pronunciado serán as de 100 Mbps, que pasarán a 200 Mbps; mentres que as
conexións de 200 Mbps mellorarán até os 300 Mbps. As conexións de 350 Mbps
quedan pendentes de definir a súa mellor, xa que están a ultimar os traballos
para poder facilitala, e darán máis detalles ao respecto no primeiro trimestre
de 2019.