ReAcciona TIC facilita o acceso de máis de 70 PEME a servizos de dixitalización empresarial
luns, 21 de agosto do 2017
O Diario Oficial de Galicia (DOG) vén de publicar a resolución
da cuarta convocatoria das axudas para os servizos de asistencia, diagnóstico e
soporte na implantación de solucións de Empresa Dixital e Industria 4.0
para a súa realización en empresas galegas dentro do programa ReAcciona TIC,
impulsado conxuntamente pola ConsellerÃa de EconomÃa, Emprego e Industria, a
través do IGAME, e a AMTEGA. A través desta convocatoria un total de 71 PEME
tiveron acceso a servizos de dixitalización empresarial.
A iniciativa está deseñada para impulsar a mellora da
competitividade e a transformación dixital das empresas a través de diferentes
servizos tecnolóxicos e de Industria 4.0. No eido da empresa dixital, o
Programa ReAcciona TIC ofrece servizos de elaboración da diagnose para a
aplicación de solucións dixitais na empresa, asà como, servizos de soporte á
implantación de solucións dixitais de mobilidade, de mellora da xestión
empresarial ou de mercadotecnia dixital.
Con estes servizos tecnolóxicos, a Xunta busca contribuÃr a
mellorar o futuro das empresas galegas mediante o achegamento de novas
competencias e a incorporación de tecnoloxÃas que permitan ás empresas gozar de
vantaxes competitivas, da man dunha rede de axentes colaboradores
especializados, integrada por empresas especializadas, que as asesoran e
acompañan en todo o proceso.
ReAcciona TIC ofrece tamén un catalogo de solucións para
impulsar a Empresa 4.0 con servizos orientados a establecer novas fórmulas de
produción e a fabricación de produtos diferenciados e de calidade a través de
novos modelos e procesos de deseño, creación e distribución.
O catálogo completo de servizos ofrecidos no programa está
cofinanciado pola Unión Europea, no marco do Programa Operativo Feder Galicia
2014-2020, orientado a promover o desenvolvemento tecnolóxico e a innovación e
conseguir un tecido empresarial máis competitivo.
A posta en marcha deste programa enmárcase nun convenio de
colaboración, asinado entre a AMTEGA e o IGAPE, co que a Xunta suma esforzos e
recursos para impulsar a modernización e a innovación tecnolóxica do tecido
empresarial de Galicia para desenvolver actuacións de impulso á empresa dixital
e a industria 4.0.
Este acordo reforza a aposta da Xunta de Galicia pola
incorporación efectiva e continua das solucións 4.0 e das TIC en xeral nos
sectores produtivos da Comunidade. Esta actuación enmárcase no establecido na
Axenda Dixital de Galicia 2020, liderada pola AMTEGA, que fixa como obxectivo a
Aceleración da EconomÃa Dixital como un factor de relevancia para impulsar o
crecemento económico na Comunidade.
Para apoiar a innovación e o desenvolvemento do sector TIC,
a Xunta conta, ademais, coa a Axenda Galicia-Industria 4.0 e a Estratexia de
Especialización Intelixente RIS3 que, cun balance satisfactorio nos seus
primeiros anos de vixencia, buscan conseguir unha maior presenza das TIC nas
empresas galegas.
Por outra banda, é preciso lembrar que a ConsellerÃa de
EconomÃa, Emprego e Industria vén de activar unha nova convocatoria do programa
ReAcciona, unha iniciativa pioneira do Goberno galego que nos últimos catro
anos xa impulsou a competitividade de 850 empresas a través de 1400 proxectos
de mellora.
A nova edición do programa, dotada con dous millóns de euros,
permitirá desenvolver preto de 500 novos proxectos de mellora de xestión
empresarial e a posta en marcha de plans estratéxicos de futuro nas empresas
galegas ata 2018. A presentación de solicitudes está aberta ata o 15 de
setembro. A continuación activaranse novas convocatorias en novembro e decembro
deste ano e en febreiro e maio de 2018.