Recoñecida internacionalmente unha investigación da unidade mixta UDC-Navantia
venres, 23 de abril do 2021
- De esquerda a dereita, Javier Pernas Álvarez, Adolfo Lamas Rodríguez e Inés Taracido López, integrantes do equipo de traballo da liña de Modelado e Simulación de Procesos de Eólica Mariña da UMI UDC Navantia, situada no Centro de Investigacións Tecnolóxicas (CIT) do Campus de Ferrol
O
Congreso
Internacional I3M vén de destinguir un artigo da unidade mixta
UDC–Navantia no que se desenvolve un xemelgo dixital 3D para a
fabricación de plataformas offshore. A
investigación foi desenvolvida polo equipo de traballo da
liña de Modelado e Simulación de Procesos de Eólica Mariña,
integrado por Adolfo Lamas Rodríguez, Javier Pernas Álvarez e Inés
Taracido López.
O
I3M recoñeceu a súa contribución co premio ao mellor artigo de
investigación no EMSS, pertencente ao Congreso Internacional de
Modelado e Simulación I3M que se celebrou de xeito virtual en
setembro de 2020. No texto, titulado Constrained-based
discrete-event simulation of an assembly job shop in the offshore
wind industry, os autores desenvolven un modelo que é quen de
obter, de forma automática, programacións pseudo-óptimas aplicando
a mesma linguaxe e criterios que un equipo real de dirección de
proxecto. Deste xeito, engaden os investigadores Javier Pernas
Álvarez e Inés Taracido López, “o xemelgo dixital de procesos
proporciona unha gran fidelidade xa que incorpora modelos 3D do
estaleiro e máis das plataformas, o que lle permite comunicar os
resultados con maior eficacia e axilidade coa intención de acelerar
o proceso de toma de decisións”.
Segundo
explican, “este complexo modelo de eventos discretos foi creado
tendo en conta os escenarios derivados da crise sanitaria da COVID-19
no que atinxe aos procesos de fabricación, aos atrasos da enxeñaría
e ás restricións de espazos e movementos nas mesas de fabricación
e máis nos peiraos con respecto ás datas de entrega das plataformas
e ás conseguintes penalizacións”.