Regades e Miñones fan balance do programa Kit Dixital, que mobiliza 3.000 millóns para as pemes
mércores, 18 de maio do 2022
A
Zona
Franca de Vigo acolleu este mércores 18 unha reunión do delegado do
Estado, David Regades, e o delegado do Goberno, José Miñones,
con pemes e con axentes dixitalizadores da asociación de empresas
tecnolóxicas galegas Ineo. O obxectivo foi facer balance de como se
está despregando o Programa Kit Dixital do Goberno de España e
Red.es da man dos seus protagonistas. O programa mobiliza 3.000
millóns para dar o empurrón definitivo á transformación das
pequenas e medianas e empresas.
Tamén
asistiron a subdelegada do Goberno, Maica Larriba e o director de
operacións de Ineo, Luís Rey, que animou ás empresas a presentarse
a estas axudas de Kit Dixital e explicou que “a dixitalización é
un medio para que as empresas sexan máis competitivas, produtivas,
teñan maior e mellor visibilidade”. Tamén salientou as vantaxes
do programa polo necesarios que son os bonos dixitais para as
empresas, “sobre todo para as pequenas, porque lles axudan a dar
ese impulso que necesitan”. Rematou dicindo que “dende Ineo
cremos na colaboración entre o sector TIC, e entre este sector e os
demais sectores empresariais, por iso creamos o grupo de traballo de
axentes dixitalizadores, empresas socias de Ineo homologadas para
prestar servizos no marco do programa, e ademais puxemos en marcha a
Oficina Acelera Peme de Ineo, para axudar ás pemes de Galicia a
transformarse”.
Un
programa de éxito
Segundo
salientaron Miñones, Regades e Álvarez, a día de hoxe o 50% das
empresas de entre 10 e menos de 50 empregados de Galicia solicitaron
o Kit Dixital. Amais, recibíronse en toda España 57.000 solicitudes
das que se concederon xa 7.000. En Galicia pedíronse 2.952 axudas, o
46% das empresas dese segmento. En canto aos axentes dixitalizadores,
hai en España 7.311, dos que teñen domicilio fiscal en Galicia 415.
O
programa Kit Dixital está dotado cun orzamento de 3.067 millóns de
euros e está financiado polo Plan de Recuperación, Transformación
e Resiliencia de España Next Generation EU e ten como obxectivo
“dixitalizar preto dun millón de pemes e autónomos en todo o
territorio nacional de todos os sectores produtivos durante os
vindeiros tres anos”.