Remata o Campamento Dixital de Rianxo

O pasado xoves 14 de agosto o Concello de Rianxo puxo o punto final ao seu Campamento Dixital, celebrado durante a primeira quincena de agosto para achegar lecer dixital saudable, seguro, creativo e enriquecedor para a rapazada. O Concello confirmou que do 25 de agosto ao 5 de setembro realizarase outro Campamento Dixital, dirixido a rapaces e rapazas de 9 a 12 anos.
A actividade veu da man do Servizo de Xuventude do Concello de Rianxo e o seu obxectivo foi formar a nenos, nenas e adolescentes en competencias dixitais, “garantindo así a súa inclusión tecnolóxica e impulsando a mellora dos seus coñecementos e habilitades en materia de seguridade informática e bo uso das redes e dos dispositivos”.
Ao mesmo tempo, achegáronselles nocións prácticas de utilidade para axudalas/os a teren navegación seguras, útiles e proveitosas para a súa formación.
A actividade desenvolveuse en agosto en dúas quendas, do 4 ao 14 de agosto ou do 18 ao 29 de agosto, en horario de 10.30 a 13.30 horas, no Auditorio de Rianxo. O campamento, que é gratuíto, volverá o 25 de agosto cunha terceira quenda.