Resident Evil: Operation Racoon City chegará a finais de ano

Dende hai meses circulaba o rumor de que Slant Six Games estaba a desenvolver un novo xogo da franquía Resident Evil, e finalmente confirman dende a Revista Oficial de Xbox que Resident Evil: Operation Racoon City será unha realidade no outono coma un shooter que permitirá tomar o papel de membros dos 3 bandos que se enfrontará neste título moi enfocado á competición en liña: o servizos de seguridade da Corporación Umbrella, o grupo de operacións especiais dos EE.UU. e os infectados e monstros que ocupan Raccoon City.
No seu modo historia, o xogo parte dun escuadrón con 4 membros da milicia de Umbrella (Beltway, Bertha, Vector e Spectre) que deberán eliminar calquera tipo de proba da coñecida catástrofe que tivo lugar en Resident Evil 2 (e varias entregas máis da saga) e, de feito, non faltarán homenaxes a eses clásicos xogos coa aparición de recoñecibles escenarios e personaxes.
Polo momento non detallan as plataformas nas que sairá o xogo, pero suponse que, como mínimo, estará dispoñible para Xbox 360 e PlayStation 3.