Retómanse as actuacións para a liberación do Segundo Dividendo Dixital
luns, 25 de maio do 2020
A declaración do estado de alarma levou á conxelación do
procedemento de liberación do Segundo Dividendo Dixital, e agora que imos
avanzando na desescalada do confinamento, a SecretarÃa de Estado de
Telecomunicacións e Infraestruturas Dixitais decidiu que a partir do 1 de xuño
cómpre retomar as actuacións planificadas anteriormente,
cando menos nos territorios que se atopen na fase 2.
Deste xeito poderanse continuar as actuacións de cambios directos de canle e
deixan sen efecto a prohibición de retirar das cabeceiras das instalacións colectivas
de recepción de televisión de televisión as canles que se abandonan ao
incorporar as novas que as substituirán como consecuencia da liberación do
Segundo Dividendo Dixital.
Para este proceso advirten que os profesionais que realicen actuacións de
liberación do Segundo Dividendo Dixital deberán adoptar medidas de prevención e
contención necesarias para evitar o contaxio e a propagación da COVID-19, tanto
de hixiene persoal como de mantemento das distancias mÃnimas con outras persoas,
seguindo as instrución ditadas polas autoridades sanitarias.
No caso de actuacións de resintonización de televisores en domicilios privados os
profesionais deberán adoptar as seguintes medidas de prevención: concertar cita;
manter a distancia mÃnima de 2 metros cos clientes; utilizar máscara; utilizar
luvas desbotables; dispor de solucións desinfectantes para a limpeza de mandos
e botóns do televisor que sexa obxecto de manipulación.
O procedemento de liberación do Segundo Dividendo Dixital tiña previsto rematar
o 30 de xuño, data adiada pola crise sanitaria, descoñecéndose cal será a nova
data que se fixará para completar este procedemento preciso para unha correcta
evolución da telefonÃa móbil 5G.