SEGA anuncia das datas oficiais dos seus vindeiros xogos para Nintendo 3DS
xoves, 27 de outubro do 2011
SEGA está a preparar numerosos xogos para a consola portátil
Nintendo 3DS, e deu
a coñecer o seu calendario de lanzamentos dos máis próximos, que comezarán o
vindeiro 11 de novembro con Shinobi,
o retorno dun clásico que soubo adaptarse á 3DS mudando considerablemente a súa
estética pero conservando a súa mecánica de xogo.
O 25 de novembro tamén teremos outro tÃtulo de SEGA moi agardado, o Sonic Generations, que serve para
celebrar o 20º aniversario do ourizo azul de SEGA, nunha aventura que permitirá
empregar tanto o deseño actual de Sonic como a súa aparencia orixinal.
Outro xogo que tamén destacará no catálogo da 3DS será o CRUSH3D, un redeseño dun xogo de quebracabezas e plataformas que
chegará ás tendas o 13 de xaneiro, data na que poderemos comprobar en primeira
persoa o curioso sistema de xogo de CRUSH3D,
que permitirá saltar dun mundo 3D a outro 2D con só premer un botón.
Remata o adianto de SEGA confirmando que o 10 de febreiro teremos en Europa o Mario & Sonic en los Juegos OlÃmpicos London
2012, que permitirá meter na 3DS máis de 50 eventos dos Xogos OlÃmpicos nos que competir con multitude de
personaxes de Nintendo e SEGA.
- Mario e Sonic competirán nas OlimpÃadas de Londrés de 2012 a partir de febreiro dentro da Nintendo 3DS