SIA presenta en Galicia o seu Cyberhub colaborativo

SIA, a compañía do Grupo Indra especializada en ciberseguridade, presentou esta semana en Galicia o seu CyberHub, un ecosistema colaborativo deseñado para fomentar a evolución e a innovación en ciberseguridade en diferentes contornas de España, que adaptará a súa actividade ás principais demandas que as organizacións e principais entidades ou axentes do territorio teñan hoxe neste ámbito.
Segundo Roberto Espina, director executivo (CEO) de SIA, “o noso compromiso coa protección presente e futura das organizacións e as súas contornas vai máis aló do servizo que prestamos aos nosos clientes facendo máis segura a súa actividade; promover este tipo de iniciativas, mediante a creación de espazos de intercambio de ideas, información e traballo conxunto, é a forma máis rápida e efectiva de avanzar neste aspecto”.
Trala súa recente presentación en Euskadi, o capítulo de Galicia deste think tank iniciou este 13 de maio a súa andaina na Coruña co apoio do Centro de Ciberseguridade Industrial (CCI). Durante o encontro, organizacións de todos os sectores de actividade, principalmente, con contornas operacionais (OT – Operation Technology) ou infraestruturas críticas da comunidade e áreas próximas, e outros axentes implicados uniranse para abordar os desafíos actuais de ciberseguridade nestes ámbitos.
O cumprimento normativo, a ciberresiliencia, a xestión de riscos, ou a protección da cadea de subministro foron algunhas das cuestións que trataron os participantes na cita, “asuntos clave para lograr protexer adecuadamente os negocios e administracións públicas do territorio”, indicou Espiña.
SIA conta cun equipo de máis de 2.000 profesionais altamente especializados e unha oferta integral que dá resposta a calquera necesidade de ciberseguridade que unha organización poida ter. Ademais, conta cunha proposta específica para o ámbito OT e importantes referencias globais neste eido.
CyberHub é un punto de encontro recorrente para os seus integrantes en cada comunidade, coa finalidade de identificar os retos de ciberseguridade máis perentorias que teñan ante si, e habilitar un espazo de traballo colaborativo para dar resposta aos devanditos retos, a través da investigación, deseño e desenvolvemento conxunto de solucións innovadoras ou a mellora continua das mesmas.
A iniciativa acollerá a entidades e axentes que acheguen coñecemento e valor na resolución dos desafíos de ciberseguridade actuais e futuros: organizacións públicas e privadas, empresas tractoras, centros tecnolóxicos, expertos en ciberseguridade, fabricantes, novas firmas innovadoras (startups) e grupos de investigación neste ámbito. A compañía do Grupo Indra pretende “seguir estendendo este proxecto a outras rexións do país e convidará a unirse a todos os actores locais implicados na protección do ciberespazo para reforzar, así, a resposta fronte ás ciberameazas”.