Sae á venda Let’s Sing 10

Hoxe ve a luz para PlayStation 4 e Wii o xogo musical Let’s Sing 10, que o vindeiro 24 de novembro contará tamén con versión para Nintendo Switch, converténdose no xogo de karaoke presente nas consolas máis populares actualmente.
Let’s Sing 10 permite gozar de 35 grandes éxitos internacionais, tanto en modo para un xogador ou en modalidade multi-xogador (ata 4 xogadores en Wii e PS4 e ata 2 en Switch), e como exemplo destes temas musicais incluídos podemos citar El Amante de Nicky Jam, Sirenas de Taburete, Vuela Corazón de Dasoul, Hymn for the Weekend, Yo Quiero Vivir de Manuel Carrasco ou Are You With Me de Lost Frequencies. Un catálogo moi variados que satisfará a un amplo abano de público.
A versión de PS4 permitirá que os usuarios pidan empregar os seus smartphones a xeito de micrófonos valéndose dunha aplicación móbil (facendo así máis asumible o xogo, xa que non será obrigado adquirir os micrófonos oficiais), terá acceso a unha tenda en liña de contidos descargables, e as mellores puntuacións poderán compartirse en clasificacións en liña.
As versión para consolas de Nintendo son máis discretas, aínda que o feito de que por fin a Nintendo Switch vaia contar cun xogo de karaoke moderno de seguro que convence a moitos posibles compradores da consola para adquirila no Nadal, xa que está a demostrar que conta co apoio de desenvolvedores externos, o que garante unha diversidade de xogos moi superior á de Wii U.