Samsung engade procesador de dobre núcleo aos seus reprodutores multimedia

Os reprodutores multimedia portátiles con Android están a gañar cada vez máis peso no mercado, competindo seriamente en prestacións co iPod Touch de Apple, de aí que Samsung decidiu actualizar as prestacións do seu Galaxy S WiFi 5.0 no mercado coreano, lanzando o Samsung Galaxy Player 70 Plus, que dá un paso adiante incorporando un procesador de dobre núcleo a 1 GHz, pantalla de 5 polgadas, cámara de 5 Mpíxeles e unha batería de 2.500 mAh, que sae á venda no mercado a 399.000 wons (270,52 euros) e 469.000 wons (317,98 euros) nos seus modelos con 16 e 32 Gb de almacenamento interno.
Con esta actualización o reprodutor de Samsung deu un chimpo adiante que o aproxima moito aos smartphones de alta gama, polo que os usuarios máis esixentes, que no caso do modelo surcoreano incluso conta cun sintonizador de televisión dixital (DMB). É de agardar que en breve chegue a Europa engadíndolle un Plus ao Samsung Galaxy S WiFi 5.0.