Samsung lanza na India un smartphone con Tizen

mércores, 14 de xaneiro do 2015 Marcus Fernández

Hai medio ano Samsung anunciou que tiña pensado comercializar o seu smartphone Samsung Z co sistema operativo Tizen, iniciando a súa distribución por Rusia, e agora parece querer retomar tal senda e anuncian o primeiro smartphone con Tizen para a India, o Samsung Z1.
Con esta medida Samsung dá a impresión de querer deixar claro que non é dependente de Android, de xeito que pode comercializar smartphones máis aló da familia Galaxy, ofrecendo igualmente dispositivos que poidan gozar das bondades da conectividade móbil tanto a través da web como de aplicacións.
O Samsung Z1 é un terminal de baixa gama, que funciona cun procesador de dobre núcleo a 1,2 GHz, 768 MB de RAM, 4 GB de almacenamento interno (ampliable mediante tarxetas de memoria microSD de até 64 GB, pantalla de 4 polgadas con resolución WVGA, soporte de dobre SIM, cámaras de 3,1 e 0,3 Mpíxeles, e unha batería de 1.500 mAh coa que promete unha autonomía de até 7 horas de reprodución de vídeo e 8 horas de conversa, contando tamén cun modo específico de aforro de enerxía que permítenos nos quedar sen teléfono en situacións críticas.
Este novo teléfono con Tizen sae hoxe mesmo á venda na India en cor branca, negra e vermella a un prezo de 5.700 rupias (77,96 euros).

O Samsung Z1 sae hoxe á venda en 3 cores distintas

PUBLICIDADE