Samsung presenta as unidades SSD 9100 PRO con velocidades de até 14.800 MB/s

Samsung amplía a súa colección de unidades SSD coa nova 9100 PRO, unha unidade que supón unha mellora de rendemento e de eficiencia enerxética, que busca satisfacer a demanda de xogadores, creadores de contido e usuarios profesionais coa incorporación da interface PCIe 5.0, que permite dobrar o rendemento da anterior xeración.
As novas unidades SSD 9100 PRO de Samsung ofrecen velocidades de lectura e escritura secuenciais de até 14.800 MB/s e 13.400 MB/s respectivamente (preto do dobre que a SSD 990 PRO), destacando tamén polo seu rendemento aleatorio de até 2.200K IOPS de lectura e 2.600K IOPS de escritura.
Para garantir a súa estabilidade, os modelos de entre 1 e 4 TB de capacidade inclúen un disipador térmico de 8,8 milímetros, mentres que para a versión de 8 TB o disipador será de 11,25 milímetros, converténdose no primeiro modelo da súa categoría.
Está previsto que as unidades con até 4 TB de capacidade cheguen ao mercado o 18 de marzo, mentres que pola versión de 8 TB haberá que agardar á segunda metade do ano.