Samsung presenta o primeiro televisor comercial con pantalla OLED de 55 polgadas

xoves, 10 de maio do 2012 Marcus Fernández

Samsung Electronics amosou o seu televisor Samsung ES9500, que será o primeiro do mundo en producirse en masa cun panel OLED de 55 polgadas, ofrecendo unha calidade de imaxe sen precedentes, contidos intelixentes e un deseño elegante, que non só é compatible con contidos 3D grazas á súa elevada velocidade de resposta da súa pantalla, senón que incluso, aproveitando tal tecnoloxía, soporta o modo Dual View que permite que dúas persoas poidan estar vendo simultaneamente contidos 2D diferentes na mesma pantalla valéndose dunhas lentes 3D que incluso integran auriculares, creando unha experiencia persoal que será do máis destacable deste impresionante televisor. Pero a calidade sae cara, e este televisor que chegará ao mercado na segunda matade do ano terá un prezo superior aos 10 millóns de wons (6.769 euros).
O Samsung ES9500 será só o primeiro de varios grandes televisores que prepara Samsung para o que resta do ano, pretendendo lanzar modelos de entre 60 e 75 polgadas para atender a crecente demanda de televisores que hai pouco poderían parecernos xigantes.

O novo televisor permitirá utilizar lentes 3D para que 2 persoas poidan ver contidos diferentes en alta definición na mesma pantalla

PUBLICIDADE