Samsung vende un millón de televisores The Frame en 2021

En 2017 Samsung sorprendeu presentando The Frame, un televisor cun deseño premium que presentaba a aparencia dun cadro pendurado na parede, e aínda que poderiamos pensar que estabamos ante un produto cun mercado moi limitado, finalmente esta liña de produto callou no mercado e durante o presente ano conseguiu vender máis dun millón de unidades e confían rematar o ano superando os 2 millóns de unidades deste tipo de televisores dende o seu lanzamento.
Os televisores The Frame buscan reflectir os gustos e as necesidades de estilo de vida das persoas, de xeito que cando o dispositivo está en uso funciona como un televisor con imaxe 4K, e cando está apagado pode converterse nun cadro que se integra coa decoración, dicindo adeus á pantalla en negro e incluso podendo contar con marcos de diferentes cores para dotalo dun toque máis persoal.
Actualmente os televisores The Frame véndense en España en cinco tamaños diferentes (32, 43, 50, 55 e 65 polgadas), cun grosor de só 24,9 milímetros nos modelos de 2021 (que teñen case a metade de grosor que os modelos anteriores).
Para decorar o televisor con obras de arte estes televisores integran unha tenda con máis de 1.500 obras de arte de museos e galerías de todo o mundo, como o Louvre francés ou o Museo do Prado, así como fotografías de Magnum Photos e YellowKorner.