Sanidade inclúe a aplicación TELEA no seguimento de contactos estreitos
luns, 11 de xaneiro do 2021
A
Consellería
de Sanidade vén de incorporar a plataforma TELEA (Plataforma
Tecnolóxica de Asistencia Domiciliaria) no seguimento dos contactos
estreitos das persoas doentes de COVID-19, que poderán completar
a enquisa diaria a través da dita ferramenta. Esta información
estará a disposición do médico e persoal de enfermería de
Atención Primaria.
A
Consellería de Sanidade sinala que TELEA é “unha ferramenta máis
de cara a frear a propagación da COVID-19”, e anima aos cidadáns
que sexan coñecedores de seren contacto estreito dun caso positivo
polo virus a “que accedan ao aplicativo para deixar os seus datos”,
respostando a unha enquisa.
A
Xunta lembra que as e os estudantes que regresen ás aulas dende o
seu lugar de orixe, poden inscribirse no rexistro de viaxeiros para
ser citados e realizar unha proba diagnóstica.