SmartPEME afronta o remate de xuño con catro novos obradoiros
luns, 27 de xuño do 2022
A
Deputación de Pontevedra, a través da rede de capacitación
tecnolóxica e transformación SmartPEME,
oferta catro novas accións formativas mixtas impartidas de xeito
online e presencial, enmarcadas na súa carteira de
obradoiros para persoas autónomas, empresas, profesionais e cidadáns
en xeral. As accións abordarán as vertentes empresariais de
Pinterest, o copywriting na Web e nas redes sociais, a venda
de produtos en Facebook e Instagram e a fabricación dixital con
escaner 3D.
O
martes 28 de xuño, na quenda da mañá, Esther Garcinuño diplomada
en Ciencias Empresariais impartirá o taller Aprende a promocionar
a túa empresa con Pinterest. Nel darase a coñecer en
profundidade esta rede social baseada en taboleiros de fotografías
que se poden gardar e compartir e como implementala na estratexia de
social media.
Na
quenda da tarde, Fátima Faílde, licenciada en Publicidade e
Relacións Públicas pola Universidade de Vigo, versará sobre
Copywriting aplicado a web e redes sociais”. Un curso que
explicará que é o copywriting, os seus tipos, como escribir
un bo copy e como usalo nas nosas páxinas web e redes
sociais. Ambas accións instruiranse a través de Zoom.
O
mércores 29 as 12 h ofrécese o obradoiro Vende os teus produtos
en Facebook e Instagram. Nesta actividade amosarase como utilizar
estas aplicacións como ferramentas de venda directa, como crear unha
tenda en Facebook ou Instagram e varios exemplos de éxito. A
encargada de conducilo será Laura Carrera, que conta cunha ampla
experiencia asesorando a empresas de diversos sectores no ámbito da
comunicación e a mercadotecnia dixital.
Finalmente,
o xoves 30 desenvolverase o derradeiro dos obradoiros do mes. O
experto universitario en robótica, programación e impresión 3D,
Manuel Freire, impartirá Fabricación dixital. Escáner 3D. O
obxectivo é dar a coñecer as tecnoloxías implicadas no proceso de
produción dixital. Este é un curso de formato mixto no que se
combinan clases en liña e prácticas presenciais no Fab Lab do
Centro Provincial de Economía Dixital no Viveiro de Empresas de
Barro.