SmartPEME ofrece en marzo medio cento de obradoiros de capacitación TIC

Carmela Silva, presidenta da Deputación de Pontevedra

SmartPEME, a rede de formación e asesoramento TIC impulsada pola Deputación de Pontevedra, vai ofrecer este mes de marzo medio cento de actividades de capacitación tecnolóxica para os profesionais, os traballadores, as PEME e os emprendedores da provincia. As accións desenvolveranse nos sete puntos que integran a rede: A Estrada (concello acabado de incorporar este 2018), Pontevedra, Vigo, Porriño, Ponteareas, Cambados e Lalín. En total, serán 47 obradoiros sobre as máis variadas temáticas tecnolóxico-dixitais, todos co nexo común de ser de interese para o día a día dos profesionais.
As sedes de Vigo, O Porriño e Ponteareas ofrecerán en conxunto 23 obradoiros; mentres que Pontevedra suma oito, Cambados outros tantos, Lalín seis e A Estrada dous. As persoas interesadas en participar nestes cursos, que se celebrarán na súa práctica totalidade a partir das 19:00 horas, poderán formalizar a súa inscrición chamando ao 886202020 ou ben a través do correo electrónico info.smartpeme@depo.es ou da páxina www.smartpeme.depo.es.
Segundo lembra a Deputación, SmartPEME é un novo modelo de servizo orientado á mellora competitiva das pequenas e medianas empresas e á procura dunha melloría nas vendas e na eficacia e eficiencia das tarefas, que abre novos eidos de actuación. Este proxecto ten entre os seus obxectivos vindeiros achegar novas carteiras de servizos, entre os que se conta a posta en marcha do Centro Provincial de Economía Dixital (CPED), que estará situado no viveiro de empresas de Barro, SmartPEME Impulsa e TurisTIC, que estarán dispoñíbeis para as persoas autónomas e empresas nos vindeiros meses.
A través do Centro Provincial de Economía Dixital vaise mostrar ás empresas as ferramentas, aplicacións e solucións innovadoras máis relevantes que a economía dixital ofrece. Para iso, o CPED apoiarase nas instalacións do FabLab que a Deputación de Pontevedra ten instalado no viveiro de Barro.
Doutra banda, SmartPEME Impulsa abrirá novas vías de asesoramento en materia de innovación, competitividade e internacionalización, “unindo deste xeito os obxectivos das empresas coas máis novas tecnoloxías, procesos e servizos”, explica a Deputación, engadindo que TurisTIC, como indica o seu nome, presentarase como “un punto de apoio tecnolóxico para o o sector turístico”. Trátase dun servizo enmarcado no Plan Estratéxico de Turismo Rías Baixas e que pretende potenciar o sector a través de axudas ás empresas para adaptarse á contorna dixital.
Estes son os obradoiros por oficinas:
Vigo (sede da Deputación)
· Desenvolve a túa Propia Estratexia de Email Marketing (luns 5)
· Como Crear unha APP e non Morrer no Intento (xoves 8)
· Así Funciona Whatsapp Business (luns 12)
· As Redes Sociais Aplicadas nas Empresas Turísticas (mércores 14)
· Consegue os teus Clicks máis Rendíbeis (xoves 15)
·Mide os teus Obxectivos en Redes Sociais: Análise de Estatísticas (martes 20)
· Fotografía de Vehículos para a súa Venda Online (xoves 22)
· Prestashop II: Xestión dunha Tenda Online (luns 26)
Ponteareas (Centro de Desenvolvemento Local de Ribadetea)
· Crea os teus Propios Informes: Google Data Studio (luns 5)
· O Ámbito das Novas Tecnoloxías e RRSS no Sector Turístico (xoves 8)
· Grava e Monta Vídeos Profesionais co teu smartphone (luns 12)
· A túa Información Sempre a Man: Almacenando na Nube (mércores 14)
· Unifica a Xestión das túas Redes con Hootsuite (martes 20)
· Comercializa os teus Servizos a través das Redes Sociais (xoves 22)
· Optimiza a Visibilidade da túa Web con Google Search Console (martes 27)
Porriño (Multicentro do Concello)
· A Transformación Dixital no Mundo do Enoturismo (luns 5)
· Comercializa os teus Servizos a través das Redes Sociais (mércores 7)
· Google Calendar, moito máis que unha axenda (venres 9, ás 17:00 horas)
· Desenvolve a túa Propia Estratexia de Email Marketing (martes 13)
· Facebook para non Iniciados (xoves 15)
· Woocommerce II, a Solución para Vender por Internet (luns 19)
· Crea os teus Propios informes: Google Data Studio (mércores 21)
· Mellora a Calidade das túas Imaxes con Editores Online (martes 27)
Pontevedra (Edificio administrativo da Deputación)
· Como Facturar Electronicamente (martes 6)
· Fotografía de Vehículos para a súa Venda Online (xoves 8)
· Google Analytics: Interpretación dos Datos e Toma de Decisións (luns 12)
· Redes Sociais para a Empresa. É Twitter a túa solución? (mércores 14)
· Mide os teus Obxectivos en Redes Sociais: Análise de Estatísticas (venres 16)
· Consegue os teus Clicks máis Rendibles (martes 20)
· Marketing Gastronómico, Que é e Como Pode Axudarche (mércores 21)
· Sesión Informativa sobre Funcionamento de Whatsapp Business (luns 26)
O Salnés (Exposalnés)
· A túa Información Sempre a Man: Almacenamento na Nube (luns 5)
· Desenvolve a túa Propia Estratexia de Email Marketing (mércores 7)
· Deseña Sinxelamente Imaxes Abraiantes e Profesionais (luns 12)
· A Comercialización do Turismo Rural: Centrais de Reservas (martes 13)
· Woocommerce II – A Solución para Vender por Internet (xoves 15)
· Bota as túas Propias Fotografías para o Comercio Electrónico (martes 20)
· A Dixitalización no Sector Turístico (xoves 22)
· CRM, o Cliente como Centro de Estratexia de Negocio (luns 26)
Lalín (Viveiro de Empresas)
· Ferramentas TIC Básicas e Sinxelas para a Xestión do teu Negocio (venres 9)
· Como Mellorar a Percepción dos teus Clientes co teus Correos (martes 13)
· Fotografía os teus Produtos ou Servizos para as Redes Sociais (xoves 15)
· Prestashop I: Comeza a Crear a túa Propia Tenda Online (martes 20)
· Tecnoloxías Dixitais para o Sector Agropecuario (xoves 22)
· Imos Chamar á Porta da túa Clientela: Posicionamento SEO (luns 26)
A Estrada (Viveiro de Empresas)
· Como Facturar Electronicamente (mércores 7)
· A túa Páxina Web con Wordpress (mércores 28)