"Somos a primeira axencia de márketing online do Barbanza"- José Manuel Martínez, Nell, impulsor de Checkin Galicia
mércores, 10 de xullo do 2019
Checkin Galicia é un compendio dese tipo de servizos dos que tanto se fala ultimamente e que todo apunta (absolutamente todo) a que serán cada vez máis necesarios e imprescindibles para as empresas. Servizos como o posicionamento en buscadores, o márketing dixital (mercadotecnia en liña), o deseño ou os recursos para manter clientes no tempo e facernos con outros novos (iso que se chama fidelización), etc. Checkingalicia.com, unha empresa sen fronteiras non que a mercado de clientes se refire, ten seu centro de operacións en Ribeira e en Código Cero quixemos saber como é o día da día dunha firma dixital no medio e medio do corazón pesqueiro e marítimo de Galicia. José Manuel Martínez, Nell, cóntanos as claves da cuestión.
-Nell,
aos lectores e aos comunicadores gústanos saber que a información
relevante vén moitas veces de onde esa información non se espera.
Traballas por conta propia dende o centro de Ribeira, unha cidade
tradicionalmente ligada a actividades económicas relacionadas co
mar, e, sen embargo, subministras aos teus clientes servizos
tecnolóxicos moi innovadores. É complicado estar no mundo das
industrias revolucionarias dende un recanto do Barbanza? Sentes que
hai algún obstáculo a este respecto?
-Antes
de comezar coa entrevista, aproveito para darvos os parabéns polo
labor que levades facendo, xa hai tempo en Código Cero, e tamén na
nova andaina co xornal dixital O
Barbanza. Respecto da primeira pregunta, eu penso que hoxe en
día, dependendo do sector, pódese dicir que si, é dicir: pódese
traballar e aportar solucións tecnolóxicas dende Ribeira ao resto
do mundo pero tamén é importante traballar na túa comarca, por moi
modernos e sofisticados que sexamos agora, eu aposto polo contacto
humano, saber como respira o cliente é moi importante. Penso que a
nivel local á xente gústalle que pases polo seu negocio para
entendelo mellor e poder plasmalo na Rede doutro xeito.
Os
sectores de empresas coas que traballo son moi dispares e tódolos
días aprendes algo novo que no futuro vai ser importante cando teñas
que facer calquera acción de márketing. Vexo que moitos
negocios aventuraranse nun tempo a facer unha web moi cara e xa está,
aí te quedas! Isto foi un problema e segue a ser un problema, as
webs teñen que actualizarse para que sexan dinámicas, accesibles
para diferentes formatos e telas coma unha patena igual que o propio
negocio físico (protección de datos, seguridade, SEO, etc..) A web
é un soporte que está vivo e require dunha atención, é o teu
escaparate dixital, e se a tes deixada é mellor que non a teñas.
Analizando
a fondo e facendo autocrítica do sector, penso que nun tempo non se
soubo fidelizar ou dar cunha fórmula axeitada para darlle a
continuidade e o seguimento que require a unha web de empresa;
tarifas abusivas, esperas moi longas ao teléfono, tardanza nos
correos e mil cousas máis.
Contestando
á segunda pregunta, direiche como bo galego: que depende; ninguén é
profeta na súa terra salvo Quico Cadaval, ao comezo custoume, eu
penso que tiña un problema de comunicación, xa que cando ofertaba
un produto moi novo falaba con moitos neoloxismos anglosaxóns, isto
foi por mor da infinidade de cursos que fixen na época dourada dos
cursos: “Uds están en la zona de confort”, nunca estiren dacordo
con iso. A verdade é que detectei o problema e propúxenme explicar
as cousas cunha linguaxe máis clara e directa. Agora co paso do
tempo a xente xa sabe o que fago. Cos clientes locais moi contento,
como saberes hai de todo; hai xente que pensa que contratando un
servizo básico xa pode dispor de un coma se estivera contratado a
tempo completo todo o mes.
-Brevemente
e para que o entenda todo o mundo, en que consiste o labor que
desenvolves dende Checkin
Galicia? Cales serían os servizos que máis destacarías e que
máis che rouban esforzo, creatividade e tempo?
-Pódese
dicir que somos a primeira axencia de márketing online
que naceu no Barbanza. Facemos, entre outras cousas, o saneamento
integral con auditoría dixital para que a parte en liña do negocio
estea acorde coa física, se é que existe, mercadotecnia dixital nas
redes para accións puntuais ou de longa proxección, posicionamento
orgánico e de pago. O que máis tempo leva son os traballos de
restauración de webs específicas, cada unha ten o seu CMS, a súa
programación…, neste momento reconfigurei unha para un cliente en
Madrid en tempo récord. Coa creatividade non teño problema, teño a
sorte de estar a cavilar sempre, o tempo xa é outra cousa, teño un
neno de dous anos, e si quítame un pouco pero encantando.
-Cal
foi a orixe de Checkin Galicia? Precísase dalgunha experiencia
previa específica para poñer en marcha unha iniciativa empresarial
como esta?
-Nun
curso do Ministerio de Industria en Santiago, tiña que facer un
exercicio coa antiga aplicación móbil Foursquare e o profesor
mandounos poñer un nome, elixín este, a verdade que estaba enfocado
máis ao turismo pero quedou así. Tamén temos Barbanza Onliñe que
é unha páxina de Facebook onde compartimos novas de moitos portais
incluído o voso, O Barbanza.
Respecto
das cousas que se requiren, necesítase formación, experiencia,
traxectoria e constancia co que estás facendo. A miña formación
ben das linguaxes máis próximas ao ordenador como son o
Ensamblador, RPG, COBOL, C, todo combinado con formación oficial e
con formación pola miña conta. Son dos que penso que hai que estar
sempre obtendo coñecemento, non facelo porque si, senón por
curiosidade pracenteira e con sentido…, e non o digo polo contexto
actual do modelo de formación continua.
-Hoxe
en día xa non hai mercados delimitados. As novas tecnoloxías e os
móbiles acabaron cos escenarios empresariais tal e como os
coñecementos. Hai xente que acada máis ingresos traballando con
persoas do outro extremo do mundo que traballando cos seus veciños
máis próximos. É o teu caso?
-Ben,
eu diría que a cousa está nun 60% de traballos para fóra e un 40%
en traballos locais, máis ou menos. Os traballos fóra do Barbanza
son máis técnicos, máis coma produto, os locais son máis dispares
e persoais.
-Que
novidades nos vai deparar Checkin Galicia para os
vindeiros meses? Tes algún ás na manga que aínda non
mostraras e que nin os teus compañeiros, competidores e clientes
conseguiran tan sequera ver?
-Novedades
Carmiña, gústame ese grupo! :)
Fóra
bromas, a novidade xa está aquí; nos ratos libres póñome a
deseñar camisetas e estou a inaugurar a primeira marca de camisetas
feitas no Barbanza, chamase Neoretranca e comezamos facéndolle unha
homenaxe ás nosas heroínas de Sálvora, pódense mercar na Imprenta
Neoprint en Ribeira. ;)
Nunca
me gustou xogar ás cartas, sempre perdía ao mus en Santiago, co cal
non teño ningún ás que amosar polo de agora.
Gustaría
rematar dicindo que non deixo de ser un autónomo ou un jornalero
dixital, aínda que os comezos non foron doados, xa levo máis
dunha década adicándome a isto e o máis importante: sendo eu o meu
propio xefe.
Pertenzo
a unha xeración acostumada aos cambios, isto, xunto coa experiencia
e a formación, dá un sexto sentido á hora de medrar cun proxecto.