Sony podería rebaixar en breve a súa consola PS3

A vindeira semana se celebra a feira do videoxogo E3, e parece que será o momento elixido por Sony para anunciar a rebaixa da súa consola PlayStation 3 e así recuperar parte do terreo perdido fronte á Nintendo Wii (que está a liderar as vendas dun xeito abraiante).
A rebaixa aínda non está confirmada pola empresa, e parece que sería de 100 dólares, pero non se coñecen nin as datas nin os países nos que se produciría tal rebaixa (teñamos en conta que as consolas de videoxogos son tradicionalmente máis caras en Europa que en EE.UU. ou o Xapón).