Soulcalibur II HD Online chega a PS3 e Xbox 360

As tendas de xogos en liña para Xbox 360 e PlayStation 3 veñen de recibir o xogo Soulcalibur II HD Online, remasterización do clásico título de loita de Namco Bandai que celebra o seu décimo aniversario cuns gráficos adaptados á alta definición e modos de xogos en liña.
O xogo orixinal contaba con personaxes exclusivos nas súas distintas plataformas, que viñan a ser Link de The Legend of Zelda (GameCube), Spawn (Xbox) e Heihachi Mishima (PlayStation 2), pero nesta revisión os dous últimos estarán presentes nas dúas plataformas dispoñibles, polo que poderán enfrontarse por primeira vez neste xogo.
A versión para PlayStation 3 está á venda por 18,99 euros, mentres que en Xbox 360 o prezo de venda é de 19,99 euros. Velaquí o trailer de lanzamento deste interesante xogo descargable: