Spotify Premium estrea radio infinita
xoves, 18 de outubro do 2018
O servizo de streaming
musical Spotify non só ten como vantaxes para os seus subscritores de pagamento
o poder escoitar temas con total liberdade e fóra de liña, senón que tamén conta
con funcionalidades
adicionais ás que a partires de hoxe incorporaranse a navegación coordinada, a
busca personalizada e a radio de artista sen fin.
Coa navegación coordinada farase máis doado atopar o que se busca, xa que os
subscritores non só poderán recibir recomendacións no Inicio, senón que tamén
poderán descubrir cousas novas no buscador e acceder dende a súa biblioteca a
cancións, artistas, listaxes de reprodución e podcasts.
A busca personalizada é un redeseño da páxina de busca, de xeito que na parte
superior da pantalla os usuarios poden atopar os seus xéneros preferidos e
tamén descubrir música que se axuste aos seus gustos e estado de ánimo.
Pero a novidade máis importante é a radio de artista sen fin, que permite aos
usuarios Premium de Spotify poder seleccionar o seu artista favorito para
escoitar música que se axuste a tal estilo, listaxe de reprodución que
adaptarase aos gustos do usuario, que actualizaranse regularmente e que tamén
poderán descargarse para a súa reprodución fóra de liña.