Star Wars terá un novo xogo de LEGO en febreiro

luns, 15 de novembro do 2010 Marcus Fernández

O éxito dos videoxogos de personaxes de LEGO non para de repetirse, e a saga galáctica de George Lucas parece ser a máis recorrente, pois LucasArts vén de confirmar que o mes de febreiro teremos nas tendas o xogo LEGO Star Wars III: The Clone Wars, baseado na última serie televisiva da saga, e que engadirá un chisco de estratexia en tempo real a este tipo de xogos.
Este xogo para Xbox 360, PlayStation 3, Wii, Nintendo DS, PSP e PC contará con 20 misións principais e 40 niveis adicionais, podendo os xogadores dirixir batallóns de soldados clon contra droides de combate, construíndo bases, desenvolvendo vehículos e utilizando distintas estratexias.

PUBLICIDADE