Steve Jobs presentou as novidades de Apple na reprodución multimedia
mércores, 9 de setembro do 2009
Que hoxe foxe un dÃa curioso no noso calendario por ser 9 do
9 do 2009, non se lle escapou á xente de Apple, que decidiu aproveitar a data
para facer unha presentación na que, entre outras cousas, darÃan a coñecer o
iTunes 9; pero iso quedou só como unha anécdota eclipsada polo feito de que
Steve Jobs volveu á escena, facendo unha estelar aparición na que se lle vÃa
extremadamente delgado, ante o que explicou que recibiu un transplante de fÃgado
e instou aos asistentes a facerse doadores de órganos, tras o que tamén
agradeceu os seus compañeiros por ser quen levou o temón da compañÃa nestes
momentos tan difÃciles.
Durante o evento, deuse a coñecer unha renovación do catálogo de reprodutores
multimedia de Apple, coma os iPod shuffle, o iPod nano e o iPod Touch (que
xunto co iPhone tamén recibirá nova versión do seu firmware).
- O iPod nano incorpora gravación de vÃdeo
iPod shuffle
O reprodutor máis cativo de Apple recibiu hoxe novidades relativas ao seu prezo e ás súas cores, de xeito que agora pode mercarse en negro, gris metalizado, rosa, azul e verde, en capacidades de 2 e 4 Gb a 55 e 75 euros respectivamente, contando tamén cun modelo de 4 Gb rematado en aceiro inoxidable pulido que só pode adquirirse a través da web da compañÃa por 95 euros.
iPod nano
O reprodutor portátil de
Apple que máis cambios experimentou foi sen dúbida o iPod nano, que
destaca especialmente por incorporar a posibilidade de gravar vÃdeo H.264 a 30
fps cunha resolución de 640 x 480 e audio AAC. Loxicamente, para a gravación de
vÃdeo tamén conta con micrófono, que pode utilizarse para tomar Notas por voz; tampouco falta a
prestación VoiceOver e as mesturas Genius, inclúe podómetro e sorprende por
converterse no primeiro reprodutor de Apple en integrar sintonizador
de radio FM (ata o momento a radio era un accesorio externo). A
radio FM do iPod nano tamén conta coa función de Pausa en Directo, de xeito que podemos deixar de escoitar un
programa en directo para retomalo onde o deixamos e non perder asà nin un
minuto do mesmo (sempre que a pausa non supere os 15 minutos).
No tocante ao seu prezo, o
iPod nano de 8 Gb venderase a 139 euros, mentres que o modelo de 16 Gb queda en
169 euros.
iPod Touch
O iPod
Touch continúa a explotar o seu último deseño, con controis de
volume no lateral esquerdo, altofalante integrado, compatibilidade con Nike+, unha
autonomÃa de ata 36 horas con música e 6 horas con vÃdeo, e agora, uns novos
prezos, de xeito que o modelo con 8 Gb de capacidade venderase a 179 euros,
pero agora tamén estarán dispoñibles modelos
de 32 e 64 Gb a 269 e 359 euros respectivamente, incluÃndo estes
últimos auriculares con mando e micrófono (para aproveitar a aplicación de Notas por voz e a nova funcionalidade de
Control por voz).
Pero deixando as prestacións do reprodutor a un lado, dende Apple insistiron
moito en que a
plataforma iPod Touch/iPhone é totalmente válida para os videoxogos,
podendo competir de igual a igual coa PSP de Sony e a Nintendo DS. Aproveitaron
o momento para presentar os xogos Assasin’s
Creed 2 de Ubisoft, Riddim Ribbon
de Tapulous e Nova de Gameloft.
Novo firmware 3.1 para iPhone e iPod Touch
Os usuarios do iPhone agradecerán a chegada desta actualización de balde do firmware 3.0 (que no caso do iPod Touch custará 3,99 euros) que incorpora melloras na estabilidade xeral, o uso de Genius na App Store para recomendar aplicacións semellantes á que xa teñamos descargado e mesmo a posibilidade de adquirir tons de chamada directamente dende o móbil.
iTunes 9
O reprodutor multimedia
de escritorio de Apple tamén evoluciona, e os seus cambios son consecuencia
principalmente da evolución da tenda musical que leva o seu nome. AsÃ, o iTunes 9 incorpora
unha nova función chamada iTunes LP que pretende replicar o concepto do álbum
musical, de xeito que ao mercar discos completos, poderá contarse coas letras
das cancións con animacións especiais, información adicional, vÃdeos e
fotografÃas dos artistas e outros contidos que poderán decidir os autores.
Tamén mellora a sincronización de dispositivos, permite navegar nas bibliotecas
de iTunes de ata 5 ordenadores no mesmo domicilio, acolle un novo deseño da
iTunes Store, crea de xeito automático
mesturas Genius e incluso engade a posibilidade de compartir música da
tenda de Apple en Facebook e Twitter.
Steve Jobs comentou que recibiu un transplante de fÃgado
