Street Fighter 6 estrea demo

Dende Capcom están a adiantar distintas novidades que ofrecerá o xogo Street Fighter 6 cando saia á venda o 2 de xuño para PS4, PS5, Xbox Series X|S e PC (Steam), pero os usuarios que non queiran que lle conten as cousas e prefiran probalas en persoa veñen de estrear a versión de demostración de Street Fighter 6 para PS4 e PS5, mentres que pola demo para o resto de plataformas haberá que agardar até o 26 de abril.
A demo de Street Fighter 6 ofrece un petisco do que será o xogo final, permitindo aprender os fundamentos do combate co titorial e practicar o estilo de loita de Luke e Ryu coas guías de personaxes. Permite gozar dos primeiros compases de World Tour e experimentar co sofisticado sistema de creación de avatares que poderán transferirse posteriormente ao xogo completo cando estea dispoñible.