Teimas impulsa un software para a optimización de ecoparques e puntos verdes, Teixo GP
xoves, 12 de xullo do 2018
Teimas,
a empresa compostelá responsábel (xunto cos Concellos de
Compostela, Lugo, Ames, Redondela e Porriño) da comunidade Tropa
Verde, está a impulsar un software para ecoparques e puntos verdes:
unha ferramenta que lles axude a garantir o seu óptimo funcionamento
e a cumprir, tamén, cunha normativa cada vez máis ampla e esixente
en materia de xestión de refugallos, tanto en España como en
Europa. E máis se temos en conta que este tipo de contornas green
teñen na súa contra estar emprazadas localizacións afastadas, sen
Internet e sen telefonía e moi suxeitas a situacións de vandalismo.
Tendo
en conta isto, Teimas Desenvolvemento lanzou un novo produto ao
mercado, deseñado especialmente para o uso en puntos limpos: Teixo
GP.
Trátase
dun software de uso sinxelo para o rexistro de entradas en ecoparques
“de maneira áxil” e que ofrece varias alternativas de uso: por
aplicación móbil (con dispositivo móbil e impresora de tickets
compacta, conectados por Bluetooth) ou mediante aplicación táctil
de sobremesa (o dispositivo integra unha consola con pantalla
táctil,impresora de tickets e lector de DNI).
Segundo
informa Teimas, ambas as aplicacións poden operar sen conexión a
Internet e, cando teñen conexión, permiten o envío das entradas
rexistradas ao software na nube que unifica e agrupa a información e
permite a xeración de informes e a consulta do arquivo cronolóxico.
“Por medio de Teixo GP e o seu acceso web, o titular do punto verde
ou o explotador da instalación poderá cumprir a normativa e obter
informes operativos e estatísticas fiábeis”, engaden dende
Teimas, explicando que o software foi concibido para ser integrado
con outras ferramentas, por exemplo, para enviar datos a outras
ferramentas de informes e seguimento, realizar reducións de taxa ou
fomentar políticas de incentivos (como a devandita plataforma Tropa
Verde).
A
día de hoxe Teixo GP xa está operativo nun número importante de
puntos limpos de distintas cidades. Quen queira máis información
pode solicitala en info@teixogp.com ou procurala na web
www.teixogp.com.