Telefónica desenvolverá a nova transición dixital da CRTVG
venres, 17 de febreiro do 2017
Telefónica dará
soporte á Corporación Radio e Televisión de Galicia (CRTVG) na produción e
emisión de contidos dixitais durante os vindeiros 6 anos, tras resultar
adxudicataria recentemente do concurso convocado para a renovación da
plataforma de produción dixital.
Telefónica de España en estreita alianza con Telefónica
Servizos Audiovisuais (TSA), a empresa do grupo Telefónica especializada en
ofrecer servizos e solucións para o sector audiovisual, será a encargada de
integrar a nova tecnoloxÃa dixital nas instalacións de CRTVG. Ocuparase tamén do
seu mantemento e da subministración de equipos completos de cámaras de
captación de novas, asà como da dixitalización de ao redor de 1.500 horas de
imaxes do arquivo histórico da Televisión de Galicia.
O proceso de implementación, de gran dimensión e
complexidade técnica, abrangue todos os elos da cadea de produción televisiva (redacción
de informativos e programas e delegacións territoriais, sistemas de edición,
documentación e arquivo…) e supón un
profundo cambio no actual modelo de traballo. Permitirá a adaptación do ente
público aos cambios xurdidos no sector nos últimos anos, coa irrupción da
televisión conectada a Internet, as segundas pantallas ou o uso das redes
sociais para acceder e compartir contidos multimedia.
O primeiro ano de traballo destinarase á posta en marcha do
novo sistema dixital, cuxo principal obxectivo é avanzar na transformación
tecnolóxica da Corporación, facilitando asà o seu labor informativo ao dotar
aos traballadores de novos instrumentos que axilicen o acceso á información,
permitan a compartición instantánea de materiais audiovisuais e garantan a
preservación dos fondos documentais.
Trátase dunha plataforma de produción dixital de alto
rendemento e gran fiabilidade técnica, dotada con mecanismos de redundancia e
seguridade de datos, e que se integrará de forma estrutural en todas as áreas
da Televisión de Galicia, tráfico de materiais, xestor de contidos da web
corporativa, etc.-.
A súa solución de almacenamento destaca pola súa
compatibilidade con diferentes sistemas de edición, xestión, distribución,
arquivado e emisión de contidos multimedia, como NCRS, PAM, MAM, e suporá tamén
melloras na organización de recursos, automatización de contidos, redución dos
tempos de traballo ou xestión de permisos.
TSA encargarase tamén de formar a máis de 700 profesionais
da Corporación no manexo dos novos programas, a través dun completo programa
formativo.