Telefónica reforza a cobertura 3G e 4G do Resurrection Fest
xoves, 12 de xullo do 2018
- Concerto de Trivium no Resurrection Fest nunha imaxe de Fran Velasco
Telefónica
quere dar o mellor servizo posíbel nos nosos grandes acontecementos
festeiros e musicais da tempada. Se
onte falamos do reforzamento do servizo para festivais como o a da
Luz (en Boimorto) ou o de Ortigueira, hoxe a operadora deu a
coñecer unha iniciativa análoga para a décimo terceira edición do
Resurrection Fest de
Viveiro, que se celebra dende este 12 de xullo até o vindeiro
sábado, e que prevé congregar a preto de 90.000 visitantes. Por
estas e outras razóns (pola multitude de xente reunida, pola
relevancia do acontecemento), Telefónica
fortaleceu cunha unidade móbil a cobertura de rede móbil 3G e 4G do
festival da Mariña.
Ademais,
a operadora procedeu a optimizar tamén a capacidade das estacións
base próximas á localidade, á cidade de Lugo e a Ribadeo, “para
atender o aumento do tráfico de datos xerado polo desenvolvemento do
festival e a afluencia de turistas no verán”. Unha afluencia que
segundo lembra Telefónica, en 2017 supuxo en Galicia un incremento
do 30% en 3G e un 45% en 4G.
Segundo
engade a compañía de telecomunicacións, o obxectivo destas
actuacións é “dar resposta ao incremento da demanda de voz e
datos prevista durante o festival, que na pasada edición rexistrou
un aumento do 98% en 3G, 117% en 4G e un 38% en chamadas de voz, en
conxunto coa Romaría de Naseiro, que se celebra a finais de agosto e
á que tamén se trasladará unha unidade móbil”.