Telegram pecha 2024 cun balance económico positivo

Durante anos Telegram era un servizo claramente deficitario, sen modelo de negocio, que acumulaba perdas millonarias, pero a última publicación de Pavel Durov en X sorprende ao asegurar que «Telegram é agora rendible», detallando que o número de subscritores de Telegram Premium triplicáronse até superar os 12 millóns, á vez que tamén melloraron os ingresos publicitarios.
Durov comenta que os ingresos de Telegram en 2024 superaron os 1.000 millóns de dólares, e pecharán o ano con máis de 500 millóns de dólares de caixa, sen incluír os seus activos en criptodivisas.
Nos últimos 4 anos Telegram contraeu unha débeda de 2.000 millóns de dólares, dos que aseguraron ter devolto unha parte significativa o pasado outono, e aínda que esta información non destaque pola súa transparencia, a mensaxe de Durov parece clara, insistindo na viabilidade económica de Telegram pese á súa independencia.